കേരളത്തിന്റെ ഒമ്പത് ജില്ലകളിലായി 590 കിലോമീറ്റര്‍ നീളത്തിലാണ് തീരദേശം. 590 മീറ്റര്‍ തീരഭൂമിയില്‍ 350 കിലോമീറ്ററിലധികം അതിരൂക്ഷമായ കടലാക്രമണ ഭീഷണി നേരിടുന്നതാണെന്ന്് നാഷണല്‍ സെന്റര്‍ ഫോര്‍ എര്‍ത്ത് സയന്‍സസ് സ്റ്റഡീസിന്റെ പഠനം പറയുന്നു.
ഇപ്പോള്‍ പുനര്‍ഗേഹം പരിപാടിയില്‍ വരുത്തിയ മാറ്റങ്ങള്‍ യഥാര്‍ത്ഥത്തില്‍ അടിസ്ഥാന പരമായ പ്രശ്‌നങ്ങളെ പരിഗണിക്കുന്നില്ലെന്ന് തീരദേശ സംരക്ഷണവുമായി ബന്ധപ്പെട്ട പ്രവര്‍ത്തിക്കുന്ന എ ജെ വിജയന്‍ പറയുന്നു. തീരം തന്നെ ഇല്ലാതാകുമ്പോള്‍ തീരത്തെ ഭൂമിയില്‍ അധികാരം എന്നത് തന്നെ പ്രശ്‌നമാണെന്ന് അദ്ദേഹം പറയുന്നു. തീര മേഖലയെ എങ്ങനെ കടലെടുക്കുന്നു, കടലുമായി ബന്ധപ്പെട്ട് നടപ്പിലാക്കുന്ന വികസന പ്രവര്‍ത്തനങ്ങള്‍ ഇതിന് ആക്കം കൂട്ടുന്നതെങ്ങനെ എന്ന് കാര്യത്തില്‍ ശാസ്ത്രീയമായ നിലപാട് സ്വീകരിക്കുകയാണ് പ്രശ്‌ന പരിഹാരത്തിന് ആദ്യം വേണ്ടതെന്നും അദ്ദേഹം പറയുന്നു. ആവശ്യത്തിനും അനാവിശ്യത്തിനും ഫിഷിംങ് ഹാര്‍ബറുകള്‍ ഉണ്ടാക്കുന്നതും, മണല്‍ അശാസ്ത്രീയമായി നീക്കുന്നതും നിക്ഷേപിക്കുന്നതും പ്രശ്‌നമാണ്. ചില സ്ഥലങ്ങളില്‍ ഇതിന്റെ പ്രയോജനം റിസോര്‍ട്ടുകള്‍ക്കാണെന്നും അദ്ദേഹം പറയുന്നു. പരിസ്ഥിതിയെ സംരക്ഷിച്ചാല്‍ ഇത്രയും പണം ചിലവഴിക്കേണ്ടിവരില്ലെന്നും അദ്ദേഹം ചൂണ്ടിക്കാട്ടുന്നു. അദാനിയുടെ വിഴിഞ്ഞം പദ്ധതിയാണ് ശംഖുമുഖം തീരം ഇല്ലാതാക്കിയതെന്ന കാര്യം ഇപ്പോഴും സര്‍ക്കാര്‍ അംഗീകരിക്കാനും തയ്യാറല്ലെന്നും അദ്ദേഹം കുറ്റപ്പെടുത്തി.
കേരളം കാര്യമായി ചര്‍ച്ച ചെയ്യാതെ പോയ ഒരു വിഷയമാണ് തീരദേശത്ത് ജീവിക്കുന്നവരുടെ ഭൂമിയുമായി ബന്ധപ്പെട്ടുള്ള വിഷയം. ദളിത് ആദിവാസികള്‍ സമരങ്ങളിലൂടെ നേടിയെടുത്ത വനാവകാശ നിയമം പോലെ, തീരദേശത്ത് ജീവിക്കുന്നവര്‍ക്കും കടലവാവകാശം ഉണ്ടാകണമെന്ന് മാഗ്ലീന്‍ ഫിലോമിന പറയുന്നു. തീര ശോഷണവുമായി ബന്ധപ്പെട്ട് സമരങ്ങള്‍ നടന്നിട്ടുണ്ടെങ്കിലും ഭൂമി പ്രശ്‌നം ഇപ്പോഴാണ് സജീവമായി ഉയരുന്നത്. കേരളത്തിലെ എല്ലാ ജില്ലകളിലെയും തീരദേശത്ത് ജീവിക്കുന്നവരെ സംഘടിപ്പിച്ചുകൊണ്ട് ഭൂ പ്രശ്‌നം രാഷ്ട്രീയ പാര്‍ട്ടികള്‍ക്ക് മുമ്പില്‍ ഉന്നയിക്കുകയാണ് തീര ഭൂ സംരക്ഷണ വേദി. മന്ത്രിയേയും പ്രതിപക്ഷ നേതാവിനെയും ഇവര്‍ തങ്ങളുടെ ആശങ്ക അറിയിച്ചു. ഇപ്പോഴും ക്യാമ്പുകളില്‍ കഴിയുന്നെവരുടെ പ്രശ്‌നങ്ങള്‍ മുതല്‍ പുനര്‍ഗേഹം പദ്ധതിയുമായി ബന്ധപ്പെട്ട ആശങ്കകള്‍ മന്ത്രി സജി ചെറിയാനുമായി ചര്‍ച്ച നടത്തിയെങ്കിലും കാര്യമായ ഇടപെടല്‍ ഉണ്ടായില്ലെന്ന് വേദിയുടെ ജനറല്‍ കണ്‍വീനര്‍ എസ് സിന്ദൂര പറഞ്ഞു. തിരപ്രദേശങ്ങളെ പ്രതിനിധീകരിക്കുന്ന എംഎല്‍എയെമാരെയും തങ്ങളുടെ പ്രശ്‌നങ്ങള്‍ ധരിപ്പിച്ചിട്ടുണ്ട്. കടല്‍ ആര്‍ക്കൊ വേണ്ടി തീറെഴുതി കൊടുത്തിരിക്കുന്ന അവസ്ഥയാണ് ഉളളതെന്ന് സിന്ദൂര പറഞ്ഞു. തീരഭൂമി നഷ്ടപ്പെടുമ്പോഴും അതില്‍ താമസിച്ചവരുടെ ഭൂമി നഷ്ടപ്പെട്ടുവെന്ന രീതിയില്‍ പൊതുസമൂഹവും ഭരണകൂടവും കണക്കാക്കുന്നില്ലെന്ന് സിന്ദൂര വ്യക്തമാക്കി. 'ഞങ്ങളുടെ ഭൂമി നഷ്ടമായി എന്ന്് പറയാന്‍ പോലും കഴിയാത്ത അവസ്ഥയാണ് തീരദേശത്തുള്ളവരുടെത്. ഞങ്ങള്‍ കിടന്നുറങ്ങിയ സ്ഥലമാണ് നഷ്ടമാകുന്നത്. എന്നാല്‍ വാസ ഇടങ്ങളെന്ന നിലയില്‍ അതിനെ പരിഗണിക്കുന്നില്ല. അതുകൊണ്ടാണ് മല്‍സ്യബന്ധനത്തില്‍ ഏര്‍പ്പെട്ടിരിക്കുന്നവരെ മറ്റിടങ്ങളില്‍ താമസിപ്പിക്കാനുളള പദ്ധതി സര്‍ക്കാര്‍ നടപ്പിലാക്കാന്‍ ശ്രമിക്കുന്നത്. വിശാലമായ ഇടങ്ങളില്‍ താമസിച്ചവരെ ഫ്്‌ളാറ്റിലേക്ക് അവരുടെതല്ലാത്ത കാരണങ്ങളാല്‍ മാറ്റുന്നത്' തീരത്ത് തന്നെ വീടുകള്‍ പണിതു തരുകയും അത് സുരക്ഷിതമാക്കാന്‍ അശാസ്ത്രീയ നിര്‍മ്മാണങ്ങള്‍ അവസാനിപ്പിക്കണമെന്നും അവര്‍ ആവശ്യപ്പെട്ടു.
ഇനിയാർക്ക് വേണം ലേണിംഗ് ആപ്പ്? ഇനി പഠിക്കാം ഈസിയായി! ഔട്ട്‍ക്ളാസിൽ!
Related Stories
തീരദേശം കുടിയൊഴിപ്പിക്കപ്പെടുമ്പോള്‍?
പുനർഗേഹം: കടലോളം ഉയരുന്ന ആശങ്കകളും വിമർശനങ്ങളും
പുനർഗേഹം: കടലോളം ഉയരുന്ന ആശങ്കകളും വിമർശനങ്ങളും