തോട്ടപ്പളളിയിലെ കരിമണൽ ഖനനം തീരം കവരുമ്പോൾ | Asiaville Quest

ആലപ്പുഴ ജില്ലയിലെ തോട്ടപ്പളളിയിൽ സർക്കാരിന്റെ പിന്തുണയോടെ നടത്തുന്ന കരിമണൽ ഖനനത്തിനെതിരെ ശക്തമായ ജനകീയ സമരമാണ് അരങ്ങേറുന്നത്. കുട്ടനാടിനെ പ്രളയത്തിൽ നിന്ന് രക്ഷിക്കാനെന്ന പേരിൽ പൊഴിയുടെ ആഴം കൂട്ടലിന് പകരം തീരത്തെ കരിമണൽ കൊളളയടിക്കുകയാണ് കെഎംഎംഎല്ലും ഐആർഇയും ചെയ്യുന്നതെന്ന് നാട്ടുകാർ പറയുന്നു. ​ഗുരുതരമായ പാരിസ്ഥിതിക പ്രത്യാഘാതങ്ങളും കടുത്ത കടലാക്രമണവും ഇതുമൂലം തോട്ടപ്പളളിയും പുറക്കാടും അമ്പലപ്പുഴയും അടങ്ങുന്ന തീര​ഗ്രാമങ്ങളിൽ ഉണ്ടാകുമെന്നും കുട്ടനാടിന്റെ കാർഷികമേഖലയ്ക്കും അനിയന്ത്രിതമായ ഈ ഖനനം തിരിച്ചടിയായേക്കുമെന്ന് വിദ​ഗ്ധരും സമരസമിതിയും അടക്കം  പറയുന്നു. പൊഴി മുറിക്കലിന്റെയും ആഴം കൂട്ടലിന്റെയും മറവിൽ  തോട്ടപ്പളളിയിൽ നടക്കുന്നത് എന്താണ്? കരിമണൽ വിരുദ്ധ ഏകോപന സമിതിയുടെയും കോൺ​ഗ്രസിന്റെയും സിപിഐയുടെയും ധീവരസഭയുടെയും നേതാക്കളും നാട്ടുകാരും പറയുന്നത് കാണാം.