75 ലക്ഷത്തിൽ തുടങ്ങി 16.25 കോടി വരെ ലേലം വിളിച്ച് മോറിസിനെ സ്വന്തമാക്കിയതിന്റെ കാരണം വെളിപ്പെടുത്തി സം​ഗക്കാര

ഇക്കഴിഞ്ഞ താരലേലത്തിൽ അപ്രതീക്ഷിതമായി വൻ തുകയ്ക്ക് രാജസ്ഥാൻ സ്വന്തമാക്കിയ താരമാണ് ക്രിസ് മോറിസ്. 16.25 കോടിക്കാണ് രാജസ്ഥാൻ 75 ലക്ഷം അടിസ്ഥാനവിലയുണ്ടായിരുന്ന താരത്തെ സ്വന്തമാക്കിയത്. ഐ പി എൽ ചരിത്രത്തിൽ തന്നെ ഒരു താരത്തിന് കിട്ടുന്ന ഏറ്റവും ഉയർന്ന തുകയാണ് ഇത്. ഇത് ഏവരേയും അത്ഭുതപ്പെടുത്തുകയും ചെയ്തിരുന്നു. ഇപ്പോൾ എന്താണ് മോറിസിന് ടീമിൽ ചെയ്യാനുള്ള റോൾ എന്നതിനെക്കുറിച്ച് തുറന്ന് പറഞ്ഞ് രം​ഗത്തിറങ്ങിയിരിക്കുകയാണ് രാജസ്ഥാന്റെ ഡയറക്ടറായ കുമാർ സം​ഗാക്കാര. 

മോറിസിന് ചില പ്രത്യേകറോളുകൾ ടീമിൽ ചെയ്യാനുണ്ട്. അതിൽ പ്രധാനം ജോഫ്ര ആർച്ചർക്ക് നല്ലൊരു പിന്തുണ തന്റെ ബോളിങ്ങിലൂടെ നൽകുക എന്നതാണ്. മോറിസിന്റെ കളിക്കണക്കുകൾ ഏറെ മികച്ചതാണ്. കളിയ്ക്ക് നൽകുന്ന ഇംപാക്ടുകളിൽ മോറിസിന്റെ പന്ത് പ്രധാനമാണ്. ഇതിനൊപ്പം ഡെത്ത് ഓവറുകൾ എറിയുന്നതിൽ ഒന്നാമനുമാണ്. സം​ഗക്കാര പറയുന്നു.

ഇതിനൊപ്പം ആൻഢ്രു ടൈ, മുസ്താഫിസുർ റഹ്മാൻ എന്നിവരുള്ളതും ഞങ്ങളുടെ ബോളിങ് നിരയെ ഏറെ മികച്ചതാക്കും. ശരിയാണ് അവനെ ഞങ്ങള്‌ ഇതിലും കുറഞ്ഞ തുകയിൽ കിട്ടുമോ എന്ന് നോക്കിയിരുന്നു. പക്ഷേ, അപ്പോഴേക്കും മുംബൈയും പഞ്ചാബും മോറിസിനു വേണ്ടി മുന്നോട്ടു വന്നു. അതു കൊണ്ടാണ് ലേലം വിളിയിൽ ഇത്രയും വലിയ തുകയ്ക്ക് ഞങ്ങൾക്ക് മോറിസിനെ എടുക്കേണ്ടി വന്നത്. മധ്യഓവറുകളിലും തുടക്കത്തിലും മോറിസിന്റെ ബോളിങ് ഞങ്ങൾക്ക് ഉപകാരപ്പെടും. ഇതിനൊപ്പം മോറിസിന്റെ ബാറ്റിങ് മികവുകൾ ടീമിനെ സംബന്ധിച്ചിടത്തോളം ഒരു ബോണസാണ്. സം​​ഗക്കാര പറയുന്നു.