കേരള സിലബസില്‍ പഠിക്കുന്ന ആറ് മുതല്‍ പ്ലസ് ടുവരെയുള്ള വിദ്യാര്‍ഥികള്‍ക്കായി ഔട്ട്ക്ലാസ് മാസ്റ്റര്‍മൈന്‍ഡ് ടെസ്റ്റ് സംഘടിപ്പിക്കുന്നു. വിവിധ വിഭാഗങ്ങളിലായി ആകെ ഒരു ലക്ഷം രൂപ മൂല്യം വരുന്ന സമ്മാനങ്ങള്‍ വിജയികള്‍ക്ക് നല്‍കും.

ആറാം ക്ലാസ് മുതല്‍ പ്ലസ് ടു വരെ പഠിക്കുന്ന ഏത് വിദ്യാര്‍ഥിക്കും ഔട്ട്ക്ലാസ് മാസ്റ്റര്‍മൈന്‍ഡ് ടെസ്റ്റില്‍ പങ്കെടുക്കാം. ഇതിനായി https://www.outclasstherest.com/malayalam/mastermind എന്ന വെബ്‌സൈറ്റില്‍ രജിസ്റ്റര്‍ ചെയ്യണം.  രജിസ്‌ട്രേഷന്‍ സൗജന്യമാണ്. പൂര്‍ണമായ പേര്, ക്ലാസ്, ജില്ല, മൊബൈല്‍ നമ്പര്‍ എന്നിവ രേഖപ്പെടുത്തിയാണ് രജിസ്റ്റര്‍ ചെയ്യേണ്ടത്.

വിജയിക്ക് 10,000 രൂപയും ഔട്ട്ക്ലാസ് ആപ്പ് രണ്ട് വര്‍ഷത്തെ സൗജന്യ സബ്‌സ്‌ക്രിപ്ഷനും ഒന്നാം സമ്മാനമായി നല്‍കും. ഫസ്റ്റ് റണ്ണര്‍ അപ്പിന് 5,000 രൂപയും ഒരു വര്‍ഷത്തെ ഔട്ട്ക്ലാസ് ആപ് സൗജന്യ സബ്‌സ്‌ക്രിപ്ഷനും നല്‍കും. സെക്കന്‍ഡ് റണ്ണറപ്പിന് 3,000 രൂപയും ഒരു വര്‍ഷത്തെ ഔട്ട് ക്ലാസ് ആപ്പ് സൗജന്യ സബ്‌സ്‌ക്രിപ്ഷനുമാണ് സമ്മാനം.

എങ്ങനെ പങ്കെടുക്കാം?

കുട്ടികളുടെ അഭിരുചി, പൊതു അവബോധം, പാഠ്യപദ്ധതി എന്നിവ ആസ്പദമാക്കിയതായിരിക്കും  ചോദ്യങ്ങള്‍. ആകെ 100 മാര്‍ക്കിന്റെ 50 ചോദ്യങ്ങള്‍ ഉണ്ടാകും.  10 ചോദ്യങ്ങള്‍ വീതം അഭിരുചി, പൊതു അവബോധം എന്നിവ അടിസ്ഥാനമാക്കിയായിരിക്കും.  30 ചോദ്യങ്ങള്‍ കണക്ക്, സയന്‍സ് വിഷയങ്ങളെ അടിസ്ഥാനമാക്കിയായിരിക്കും ഉണ്ടാവുക. എല്ലാം മള്‍ട്ടിപ്പിള്‍ ചോയിസ് ചോദ്യങ്ങളായിരിക്കും. 45 മിനുട്ട് നീണ്ടുനില്‍ക്കുന്ന ടെസ്റ്റില്‍ എല്ലാ ചോദ്യങ്ങള്‍ക്കും ഉത്തരം നല്‍കണം.  തെറ്റായ ഉത്തരങ്ങള്‍ക്ക് നെഗറ്റീവ് മാര്‍ക്ക് ഉണ്ടായിരിക്കുന്നതല്ല. ഏത് ക്ലാസില്‍ പഠിക്കുന്ന കുട്ടികള്‍ക്കും ഇതേ രീതിയില്‍ തന്നെയായിരിക്കും ചോദ്യങ്ങള്‍. രണ്ട് മാര്‍ക്ക് വീതമുള്ളതായിരിക്കും ഓരോ ചോദ്യവും.

സെപ്തംബര്‍ 17, 18, 19 തിയ്യതികളിലാണ് ഔട്ട് ക്ലാസ് മാസ്റ്റര്‍മൈന്‍ഡ് പ്രോഗ്രാം. ഈ ദിവസങ്ങളില്‍ ഏത് സമയത്തും കുട്ടികള്‍ക്ക് ഇതില്‍ പങ്കെടുക്കാം.  ടെസ്റ്റ് നടക്കുന്ന ദിവസം https://www.outclasstherest.com/malayalam/mastermind എന്ന ലിങ്കില്‍ കയറിയാല്‍ ലാന്‍ഡിങ് പേജില്‍ തന്നെ START EXAM BUTTON എന്ന് കാണാന്‍ കഴിയും. ഇതില്‍ തന്നിരിക്കുന്ന നിര്‍ദേശങ്ങള്‍ എല്ലാം വായിച്ചതിന് ശേഷം I Agree എന്ന ബട്ടന്‍ ക്ലിക്ക് ചെയ്താല്‍ ഔട്ട്ക്ലാസ് മാസ്റ്റര്‍ മൈന്‍ഡില്‍ പങ്കെടുക്കാം. ഇതിനകം ഔട്ട്ക്ലാസ് ആപ്പ് സബ്‌സ്‌ക്രൈബ് ചെയ്തവര്‍ക്കും മാസ്റ്റര്‍മൈന്‍ഡ് ടെസ്റ്റില്‍ പങ്കെടുക്കാം. 9995809727 എന്ന നമ്പറില്‍ ഇതുമായി ബന്ധപ്പെട്ട ഏത് സംശയങ്ങള്‍ക്കും മറുപടി ലഭിക്കും. ടെസ്റ്റില്‍ പങ്കെടുക്കുന്ന കുട്ടികളുടെ ഉത്തരങ്ങള്‍ പരിശോധിച്ച ശേഷം ഔട്ട്ക്ലാസ് എഡ്യുക്കേഷണല്‍ കൗണ്‍സിലര്‍മാര്‍ കുട്ടികള്‍ക്കും രക്ഷിതാക്കള്‍ക്കും പ്രോഗ്രസ് കാര്‍ഡ് സംബന്ധിച്ച വിവരങ്ങള്‍ അറിയിക്കും.

കുട്ടികള്‍ക്ക് സങ്കീര്‍ണമായി തോന്നുന്ന പാഠഭാഗങ്ങളുടെ അടിസ്ഥാന തത്വങ്ങള്‍ ലളിതവും രസകരവുമായ രീതിയില്‍ ആകര്‍ഷകമായ ഗ്രാഫിക്‌സുകളുടെ സഹായത്തോടെ അവതരിപ്പിക്കുന്ന ഈ ലേണിങ് ആപ്പ് ആണ് ഔട്ട് ക്ലാസ്. ലോകം മുഴുവന്‍ ഓണ്‍ലൈന്‍ പഠനരീതിയിലേക്ക് മാറിയ ഘട്ടത്തില്‍  സംസ്ഥാന സിലബസിലെ പാഠ്യപദ്ധതികള്‍ കൂടി നൂതന സാങ്കേതിക വിദ്യയുടെ സഹായത്തോടെ കുട്ടികള്‍ക്ക് എത്തിക്കുകയാണ് ഔട്ട് ക്ലാസിന്റെ ലക്ഷ്യം.