സസ്‌ക്‌സ് സര്‍വകലാശാലയില്‍ എം എ സോഷ്യല്‍ ആന്ത്രപോളിജിയ്ക്കാണ് ഹഫീഷയ്ക്ക് പ്രവേശനം ലഭിച്ചത്. അതിന് മുമ്പ് ഇവര്‍ ഹൈദരബാദ് സെന്‍ട്രല്‍ യൂണിവേഴ്‌സിറ്റിയില്‍നിന്ന് ജേണലിസത്തില്‍ ബിരുദാനന്തര ബിരുദം നേടിയിട്ടുണ്ട്്. കാസര്‍കോട് സെന്‍ട്രല്‍ യൂണിവേഴ്‌സിറ്റിയില്‍ ഗസ്റ്റ് ലക്ചറായും ജോലി ചെയ്തിട്ടുണ്ട്. വിദേശ പ്രസിദ്ധീകരണങ്ങളില്‍ അടക്കം അക്കാദമിക് ലേഖനങ്ങളും ഇവരുടെതായി വന്നിട്ടുണ്ട്്്. ഇത്രയും അക്കാദമിക് പശ്ചാത്തലത്തിന്റെ മികവിലാണ് ഹഷീഷയ്ക്ക് പ്രശസ്തമായ സസക്‌സ് സര്‍വകലാശാലയില്‍ പ്രവേശനം ലഭിക്കുന്നത്. ഒരു വര്‍ഷത്തെയാണ് കോഴ്‌സ്.
എന്നാല്‍ സ്‌കോളര്‍ഷിപ്പിന് അര്‍ഹരായവരുടെ പട്ടിക പ്രസിദ്ധീകരിച്ചപ്പോള്‍ ഹഫീഷ ഉണ്ടായിരുന്നില്ല. സ്‌കോളര്‍ഷിപ്പിനുള്ള അപേക്ഷ ക്ഷണിച്ചപ്പോള്‍ ഇല്ലാതിരുന്ന വ്യവസ്ഥകള്‍ പിന്നീട് കൂട്ടിചേര്‍ത്തതുകൊണ്ടാണ് ഇങ്ങനെ സംഭവിച്ചതെന്ന് ഹഫീഷ ആരോപിക്കുന്നു. 2013-14 കാലഘട്ടം വരെ ലോകത്തെ മികച്ച 200 സര്‍വകലാശാലകളില്‍ പഠനം നടത്തുന്നതിനായിരുന്നു സ്‌കോളര്‍ഷിപ്പ് നല്‍കിയത്. പിന്നീട് ഇത് 600 ആക്കി. ഇത് യഥാര്‍ത്ഥത്തില്‍ അക്കാദമിക്ക് മികവ് ലക്ഷ്യമിട്ട് വിദേശത്ത് പോകുന്നവരെക്കാള്‍ വിദ്യാഭ്യാസത്തിന്റെ മറവില്‍ മൈഗ്രേഷന്‍ ലക്ഷ്യമിട്ട് പോകുന്നവര്‍ക്കാണ് സഹായമായതെന്നും ആരോപിച്ചു.
മറ്റിടങ്ങളില്‍ ഗവേഷണ പ്രബന്ധങ്ങള്‍, ഗവേഷണ രംഗത്ത മികവ്, അധ്യാപന മേഖലകളില്‍ അടക്കമുള്ള പരിചയം എന്നിവ ഇത്തരം കാര്യങ്ങള്‍ക്ക് മാനദണ്ഡമാക്കുമ്പോള്‍ കേരളത്തില്‍ ഇതൊക്കെ അശാസ്ത്രീയമായാണ് നടക്കുന്നതെന്നും ഇവര്‍ പറയുന്നു.
തായ്‌ലണ്ടിലെ ബ്രീട്ടിഷ് കൗണ്‍സില്‍ ഹഫീഷയുടെ പ്രബന്ധം പ്രസിദ്ധീകരിച്ചിട്ടുണ്ട്. കേരളത്തിലെ ആദിവാസി മേഖലയിലെ ഗോത്രബന്ധു എന്ന വിദ്യാഭ്യാസ പരിപാടിയെക്കുറിച്ചായിരുന്നു ഹഫീഷയുടെ പ്രബന്ധം. പദ്ധതികൊണ്ട് ആദിവാസികള്‍ക്ക് ഒരു പ്രയോജനവും ഇല്ലെന്നായിരുന്നു ഇവരുടെ കണ്ടെത്തല്‍. ഈ പ്രബന്ധം വിദേശത്തും ഇന്ത്യയിലും സെമിനാറുകളില്‍ അവതരിപ്പിച്ചിട്ടുമുണ്ട്്.
'കഴിഞ്ഞ ദിവസങ്ങളില്‍ ഞാന്‍ പലരുമായും ബന്ധപ്പെട്ടു. ഉന്നത വിദ്യാഭ്യാസ വകുപ്പ് ഉള്‍പ്പെടെയുളള സര്‍ക്കാര്‍ സംവിധാനങ്ങള്‍ പ്രതികരിച്ചില്ല. ചില ചാരിറ്റി സംഘടനകളുമായും ബന്ധപ്പെട്ടു.' എങ്ങനെയാണ് പഠനം മുന്നോട്ട് കൊണ്ട് പോവുക എന്ന ആശങ്കയാണ് ഹഫീഷയ്ക്ക്്. തനിക്ക് അനുകൂലമായി എന്തെങ്കിലും ഇടപെടല്‍ സര്‍ക്കാരിന്റെയോ മറ്റ് സംഘടനകളുടെയോ ഭാഗത്തുനിന്ന് ഉണ്ടാകുമെന്ന് പ്രതീക്ഷയോടെ ഇപ്പോഴും പഠനത്തില്‍ മുഴുകകുയാണ് ഹഫീഷ.
ഇനിയാർക്ക് വേണം ലേണിംഗ് ആപ്പ്? ഇനി പഠിക്കാം ഈസിയായി! ഔട്ട്‍ക്ളാസിൽ!
