2019ൽ വാട്സാപ്പില്‍ പെഗാസസ് ഉപയോഗിച്ച് ചോർത്തൽ നടന്നതും ഇതുപോലെയാണെന്നാണ് വിവരം. എന്നാല്‍ സോഫ്റ്റ്വെയറുകള്‍ ഇത്തരം ചാരപ്പണിക്കായി കമ്പനി സ്വയം ഉപയോഗിക്കാറില്ലെന്നാണ് വാട്സാപ്പ് വിവാദത്തില്‍ എന്‍ എസ് ഒ നേരത്തെ പ്രതികരിച്ചിരുന്നത്. വിവിധ രാജ്യങ്ങളിലെ സര്‍ക്കാരുകള്‍ക്കും ഇന്റലിജന്‍സ് ഏജന്‍സികള്‍ക്കുമാണ് ഇത് ഉപയോഗിക്കാനുളള അനുമതിയുളളത്. ഭീകരവാദവും കുറ്റകൃത്യങ്ങള്‍ കുറയുന്നത് തടയാനുമാണ് സാധാരണ ഇത് ഉപയോഗിക്കുന്നത്. ഇതിന് പുറമെ ഇസ്രയേലി ആഭ്യന്തര മന്ത്രാലയത്തിന്റെ മേല്‍നോട്ടത്തിലും അനുമതിയോട് കൂടി മാത്രമാണ് പെഗാസസ് സോഫ്റ്റ് വെയര്‍ വില്‍ക്കുന്നതെന്നും എന്‍എസ്ഒ സി ഇ ഒ ശലേവ് ഹൂലിയോ വ്യക്തമാക്കിയിരുന്നു. വാട്സാപ്പ് ചോര്‍ത്തല്‍ കേസില്‍ അന്ന് എന്‍എസ്ഒ നല്‍കിയ മറുപടി ശ്രദ്ധേയമാണ്. കോടതിയില്‍ ഇത് നേരിടും. സര്‍ക്കാരുകള്‍ക്കും നിയമസംവിധാനങ്ങള്‍ക്കും തീവ്രവാദത്തെയും കൊടിയ കുറ്റകൃത്യത്തെയും നേരിടാനുളള സാങ്കേതിക വിദ്യ നല്‍കുക മാത്രമേ ചെയ്തിട്ടുളളൂവെന്നുമായിരുന്നു എന്‍എസ്ഒയുടെ അവകാശവാദം.
സര്‍ക്കാരുകളുടെ അറിവോടെയാണ് എന്‍എസ്ഒ ഫോണ്‍ ചോര്‍ത്തല്‍ നടത്തിയതെന്നാണ് 2019ലെ കേസില്‍ ഫേസ്ബുക്ക് ആരോപിച്ചിരുന്നത്. കാലിഫോര്‍ണിയ കോടതിയില്‍ പരാതിക്കൊപ്പം ഇത് സംബന്ധിച്ച രേഖകള്‍ സമര്‍പ്പിച്ചിരുന്നു. ഘാനയിലെ നാഷണല്‍ കമ്മ്യൂണിക്കേഷന്‍ അതോറിറ്റിയുമായി എന്‍എസ്ഒ കരാറൊപ്പിട്ടതിന്റെ രേഖകളാണിത്. ഇതില്‍ ഘാന ആദ്യം ഇസ്രയേല്‍ പ്രതിരോധ മന്ത്രാലയത്തിന്റെ അംഗീകാര പത്രം സമര്‍പ്പിക്കണം. എങ്കില്‍ മാത്രമാണ് പെഗാസസ് സോഫ്റ്റ് വെയര്‍ എന്‍എസ്ഒ കൈമാറുകയുളളൂ. ഇപ്പോൾ 16 മാധ്യമങ്ങൾ ചേർന്ന് പുറത്തുകൊണ്ടുവന്ന വാർത്തകളിലും ഇന്ത്യ അടക്കം വിവിധ രാജ്യങ്ങളിലെ ഭരണകൂടങ്ങൾ തന്നെയാണ് ഫോൺ ചോർത്തൽ നടത്തിയതെന്നാണ്. എന്നാൽ കേന്ദ്ര സർക്കാർ ഇക്കാര്യം നിഷേധിക്കുകയും ചെയ്തു.
പ്രത്യേക ഉപയോക്താക്കളെ ലക്ഷ്യം വെച്ച് നടത്തിയതാണ് ഈ ഹാക്കിങ് എന്നാണ് പറയുന്നത്. ഇത് ആന്‍ഡ്രോയിഡ്, ഐഒഎസ് ഫോണുകളെ ഒരു പോലെ ബാധിച്ചിരുന്നു. എന്‍എസ്ഒ ആയിരുന്നു ഇതിന് പിന്നില്‍. മേയ് ആദ്യവാരമായിരുന്നു ഹാക്കിങ്ങെന്നും തകരാര്‍ പരിഹരിച്ചെന്നുമായിരുന്നു വാട്സാപ്പ് പിന്നീട് വിശദീകരിച്ചത്. ഈ കേസാണ് 2019ൽ വലിയ വിവാദമായി മാറിയ ഹാക്കിങ്. ഇന്ത്യയില്‍ നിന്നും മാധ്യമപ്രവര്‍ത്തകരും മനുഷ്യാവകാശ പ്രവര്‍ത്തകരും അഭിഭാഷകരും അടക്കം 25 പേരുടെ വാട്സാപ്പ് അടക്കം ഫോണ്‍ വിവരങ്ങള്‍ ചോര്‍ത്തിയെന്നാണ് റിപ്പോര്‍ട്ട്. ഫേസ്ബുക്കും വാട്സാപ്പും എന്‍എസ്ഒയ്ക്കെതിരെ നിയമനടപടികളുമായി നീങ്ങിയിരുന്നു. ഫേസ്ബുക്കും വാട്സാപ്പും അമേരിക്കയില്‍ കോടതിയെ സമീപിച്ചതോടെയാണ് ഇക്കാര്യം പുറത്തറിയുന്നത്.
ഇത്തരത്തില്‍ നിരവധി ആരോപണങ്ങള്‍ കമ്പനിക്കെതിരെയുണ്ട്. പെഗാസസ് മൂലം എന്‍എസ്ഒ നിരവധി നിയമനടപടികളാണ് നേരിടുന്നത്. ഇത്തരം സോഫ്റ്റ് വെയറുകള്‍ എന്‍എസ്ഒ മറ്റ് രാജ്യങ്ങള്‍ക്ക് വില്‍ക്കുന്നതിനുളള ലൈസന്‍സ് റദ്ദ് ചെയ്യണമെന്ന് ആവശ്യപ്പെട്ട് ആംനെസ്റ്റി ഇന്റര്‍നാഷണല്‍ ടെല്‍ അവീവിലെ കോടതിയെ സമീപിച്ചിരുന്നു. മനുഷ്യാവകാശ പ്രവര്‍ത്തകര്‍ക്കും മറ്റുളളവര്‍ക്കും ഇടയില്‍ പെഗാസസ് ഉപയോഗിച്ച് നടത്തുന്ന ചാരപ്പണി സ്വകാര്യതയുടെയും അഭിപ്രായ സ്വാതന്ത്ര്യത്തിന്റെയും ലംഘനമാണെന്നാണ് ആംനെസ്റ്റിയുടെ വാദം.
ഇനിയാർക്ക് വേണം ലേണിംഗ് ആപ്പ്? ഇനി പഠിക്കാം ഈസിയായി! ഔട്ട്‍ക്ളാസിൽ!
Related Stories
രണ്ട് മന്ത്രിമാർ, മൂന്ന് പ്രതിപക്ഷ നേതാക്കൾ, സുപ്രീംകോടതി ജഡ്ജി അടക്കം 300 പേർ; പെഗാസസ് ഫോൺ ചോർത്തൽ ഇങ്ങനെ
എന്താണ് പെഗാസസ്? എങ്ങനെയാണ് ഫോണില്‍ നിന്ന് വിവരങ്ങൾ ചോർത്തുക?; അറിയേണ്ട 10 കാര്യങ്ങൾ
ജമാൽ ഖഷോഗിയുടെ സംഭാഷണങ്ങൾ മുതൽ റെഡ്ക്രോസ് വിവരങ്ങൾ വരെ; പെഗാസസിന്‍റെ അഞ്ച് ഫോൺ ചോർത്തൽ വിവാദങ്ങൾ