അവന്റെ സമയം കഴിഞ്ഞു എന്നാണ് ഞാൻ കരുതിയത്, പക്ഷേ, ആ തിരിച്ചുവരവ് ​ഗംഭീരമാണ്!

ഇന്ത്യൻ പേസർ ഇഷാന്ത് ശർമയ്ക്ക് പ്രശംസകളുമായി ആസ്ട്രേലിയൻ ഇതിഹാസ ബോളർ ​ഗ്ലെൻ മ​ഗ്രാത്ത്. വിരാട് കോഹ്ലിയുടെ ഇന്ത്യൻ ടീം ന്യൂസിലാൻഡിനെതിരെ ഒന്നാം ടെസ്റ്റിൽ ദാരുണ പരാജയം ഏറ്റുവാങ്ങിയെങ്കിലും ബോളർമാരായ മുഹമ്മദ് ഷാമിയ്ക്കും ബുംമ്രയ്ക്കും കൂടിയുണ്ട് മ​ഗ്രാത്തിന്റെ ​ഗുഡ് സർട്ടിഫിക്കറ്റ്. 

ഇഷാന്ത് ഏറെ അനുഭവസമ്പന്നനായ കളിക്കാരനാണ്. അദ്ദേഹം ഇടക്കാലത്ത് ടീമിൽ നിന്ന് പുറത്തായിരുന്നെങ്കിലും തിരിച്ചുവരവ് നടത്തിയത് ഏറെ പ്രധാനമാണ്. അന്താരാഷ്ട്രതലത്തിൽ അവന്റെ സമയം കഴിഞ്ഞു എന്ന് ഞാൻ കരുതിയതാണ്. പക്ഷേ, കഠിന പ്രയത്നത്തിലൂടെ തിരിച്ചുവന്നത് പ്രശംസയർഹിക്കുന്നു. ​ഗ്ലെൻ മ​ഗ്രാത്ത് പറയുന്നു. 

ഷമി നല്ല പേസിൽ പന്തെറിയുന്ന കളിക്കാരനാണ്. ഇതിനൊപ്പം തന്നെ വിക്കറ്റിനിരുവശത്തേക്കും സ്വിങ് ചെയ്യിക്കാനും അവന് കഴിയുന്നുണ്ട്. ബുംമ്രയുടെത് ചെറിയ റണ്ണപ്പാണെങ്കിലും ഏറെ അപകടകരമായ പന്തുകളാണ്. നല്ല കൺട്രോളുണ്ട് ബുംമ്രയ്ക്ക്. രണ്ടാമത്തേയും മൂന്നാമത്തേയും സ്പെല്ലുകളിലും താളം നിലനിർത്താൻ കഴിയുന്നു. ഈ ഇന്ത്യൻ ബോളിങ് നിരയിൽ എനിക്ക് ഇനിയും പ്രതീക്ഷകളുണ്ട്. മ​ഗ്രാത്ത് ചൂണ്ടിക്കാട്ടുന്നു. ‌‌