മാൻസീനിക്കുകീഴിൽ 2018 സെപ്റ്റംബറിലാണ് ഇതിന് മുൻപ് ഇറ്റലി ഒരു മത്സരം തോറ്റത്. യുവേഫ നേഷന്‍സ് ലീഗില്‍ പോർച്ചുഗല്ലിൽ നിന്നായിരുന്നു ആ തോൽവി. മാൻസീനി ചുമതലയേറ്റ ശേഷമുളള രണ്ടാമത്തെ തോൽവി കൂടിയായിരുന്നു അത്. പിന്നീട് ഓരോ മത്സരങ്ങളിലും ജയത്തോടെ കരുത്താർജിക്കുന്ന ഇറ്റലിയെയാണ് കായിക പ്രേമികൾക്ക് കാണാൻ സാധിച്ചത്.
മധ്യനിരയിൽ മാർകോ വെറാറ്റി–ജോർജിന്യോ–നിക്കോളോ ബറെല്ല ത്രയം നീക്കങ്ങളുമായി നിറയുമ്പോൾ മുന്നേറ്റത്തിന്റെ ചുമതല ലോറെൻസോ ഇൻസിന്യെയ്ക്കും ഫെഡെറികോ കിയേസയ്ക്കുമായിരുന്നു. എതിർ ടീമിന്റെ വേഗതയേറിയ ഏത് ആക്രമണങ്ങളെയും പൊളിക്കുന്ന പ്രതിരോധമാണ് ജോർജിയോ കില്ലെനിയും ലിയനാർഡോ ബൊന്നൂച്ചിയും തീർത്തിരുന്നത്.
നാല് തവണ ലോകകപ്പ് നേടിയിട്ടുണ്ടെങ്കിലും അഞ്ച് പതിറ്റാണ്ട് കഴിഞ്ഞു യൂറോയിൽ അസൂറികൾ കപ്പ് ഉയർത്തിയിട്ട്. 1968ൽ യൂറോ കപ്പ് നേടിയ ശേഷം പിന്നീട് രണ്ടുതവണ കൂടി ഇറ്റലി ഫൈനലിൽ കടന്നെങ്കിലും വിജയിക്കാൻ കഴിഞ്ഞിരുന്നില്ല. 2000ൽ ഫ്രാൻസിനോട് 2-1നും 2012ൽ സ്പെയിനോട് 4-1നുമായിരുന്നു ഇറ്റലി തോൽവി ഏറ്റുവാങ്ങിയത്. അഞ്ച് പതിറ്റാണ്ടുകൾക്ക് ശേഷമാണ് ഇറ്റലി യൂറോയിൽ ചാംപ്യൻമാരാകുന്നത്. ഇരുടീമുകളും ഇതിന് മുൻപ് 27 തവണ ഏറ്റുമുട്ടിയപ്പോൾ ഇറ്റലി 11 തവണയും ഇംഗ്ലണ്ട് എട്ടുതവണയുമാണ് വിജയിച്ചിരുന്നത്. എട്ട് മത്സരങ്ങൾ സമനിലയിൽ കലാശിക്കുകയും ചെയ്തു.
ഇനിയാർക്ക് വേണം ലേണിംഗ് ആപ്പ്? ഇനി പഠിക്കാം ഈസിയായി! ഔട്ട്‍ക്ളാസിൽ!
