എന്താണ് 'കയറ്റം' എന്ന സിനിമയുടെ പ്രമേയം? അഹര്‍ എന്ന മറ്റൊരു പേര് കൂടി ചിത്രത്തിനുണ്ടല്ലോ, എന്താണ് ആ വാക്കിന്റെ അര്‍ത്ഥം?
പേരുപോലെ തന്നെയാണ് കയറ്റത്തിന്റെ പ്രമേയവും. ട്രെക്കിങ് സംബന്ധമായി പോകുന്ന ചിലരുടെ ഇടയില്‍ സംഭവിക്കുന്ന കാര്യങ്ങളാണ് കയറ്റത്തില്‍ ഉള്ളത്. അഹര്‍ എന്നത് ഈ ചിത്രത്തിനെ വേണ്ടി രൂപം നല്‍കിയ പുതിയൊരു ഭാഷയാണ്. ഒരു കയറ്റം കേറുമ്പോള്‍ നമുക്ക് ശ്വാസം മുട്ടില്ലേ, അപ്പോള്‍ നമ്മള്‍ ശ്വാസം എടുക്കാന്‍ വേണ്ടി ആഞ്ഞു ശ്രമിക്കുമ്പോള്‍ 'ആഹ്' 'ആഹ്' എന്ന ഒച്ച വെക്കില്ലേ , അതാണ് അഹര്‍.
കനത്ത മഴയും മണ്ണിടിച്ചിലും കാരണം ഹിമാചലില്‍ മഞ്ജു വാര്യര്‍ അടങ്ങുന്ന കയറ്റത്തിന്റെ ഷൂട്ടിംഗ് സംഘം കുടുങ്ങി പോയിരുന്നെല്ലോ. വേദും ആ ടീമിനൊപ്പം ഉണ്ടായിരുന്നു. ആ അനുഭവം ഒന്ന് പങ്കുവെക്കുമോ?
മഞ്ഞിനോടുള്ള ഒരു റൊമാന്റിക്ക് കാഴ്ചപ്പാട് തന്നെ എനിക്ക് ആ അനുഭവത്തോടെ ഇല്ലാതായി. ആ കഥ പറയാന്‍ തുടങ്ങിയാല്‍ ഒരുപാട് സംസാരിക്കേണ്ടി വരും. ഞങ്ങള്‍ ഷൂട്ടിങ്ങിനായി മല കയറുമ്പോള്‍ അവിടെ ഒരു തരത്തിലുമുള്ള പ്രശ്‌നങ്ങള്‍ ഉണ്ടായിരുന്നില്ല. ഞങ്ങളുടെ അങ്ങോട്ടുള്ള മല കയറ്റത്തില്‍ മഞ്ഞ് ഉണ്ടായിരുന്നില്ല. അത് മഞ്ഞ് പെയ്യുന്ന സീസണല്ലായിരുന്നത് കൊണ്ട് തന്നെ ഞങ്ങള്‍ കടുത്ത മഞ്ഞിനെ പ്രതിരോധിക്കുന്ന തരത്തിലുള്ള ബൂട്‌സുകളും അണിഞ്ഞിരുന്നില്ല. അന്ന് രാത്രി തന്നെ നമ്മള്‍ ക്യാമ്പ് ചെയ്ത സ്ഥലത്ത് ,മഞ്ഞു വീഴ്ച തുടങ്ങിയിരുന്നു. ഇരുട്ടായതുകൊണ്ടും വഴി കാണാഞ്ഞത് കൊണ്ടും ഞങ്ങള്‍ അന്ന് രാത്രി മല ഇറങ്ങിയില്ല. നേരം വെളുത്ത് തിരിച്ചു മലയിറങ്ങാന്‍ തുടങ്ങിയപ്പോള്‍ പത്ത് കിലോമീറ്ററോളം മഞ്ഞ് വീണ് മൂടിയ മലയിലൂടെയാണ് ഞങ്ങള്‍ക്ക് സഞ്ചരിക്കേണ്ടി വന്നത്. കഴുതയുടെ മുതുകത്ത് ചുമന്ന് കയറ്റിയ ഷൂട്ടിംഗ് എക്യുപ്‌മെന്റുകള്‍ ആ മഞ്ഞത്ത് ഞങ്ങള്‍ മനുഷ്യന്മാരാണ് തിരിച്ചിറക്കിയത്. മലയിറക്കത്തിന്റെ ഒരു ഘട്ടത്തില്‍ ഞാന്‍ ശരിക്കും പേടിച്ചു പോയി.
ഇനിയാർക്ക് വേണം ലേണിംഗ് ആപ്പ്? ഇനി പഠിക്കാം ഈസിയായി! ഔട്ട്‍ക്ളാസിൽ!
Related Stories
കൊറോണ: #Breakthechain ക്യാമ്പയിൻ; ഏറ്റെടുത്ത് താരങ്ങളും
കൊറോണ: മഞ്ജു വാര്യര്‍ ചിത്രത്തിന്റെ ഷൂട്ടിങ് നിര്‍ത്തി വെച്ചു
'ഞങ്ങള്‍ എന്താവും സംസാരിച്ചിട്ടുണ്ടാവുക?': 'ലളിതം സുന്ദരം' സെറ്റില്‍ നിന്നുള്ള ചിത്രം പങ്കു വെച്ച് മഞ്ജു വാര്യര്‍
കൊവിഡ് കാലത്തെ പൊലീസുകാരിയുടെ ജീവിതം പറഞ്ഞ നൂപുരത്തിന് സലൂട്ടുമായി മഞ്ജു വാര്യർ