വാട്‌സാപ്പില്‍ അയച്ച മെസേജ് ഡിലീറ്റ് അല്ല പാടെ മായ്ച്ച് കളയാം

അയച്ച സന്ദേശം നിമിഷങ്ങള്‍ക്കുള്ളില്‍ മാഞ്ഞുപോകുന്നു. ഹാരിപ്പോട്ടര്‍ കഥയല്ല. മെസേജിങ് ആപ്പിലെ ഒരു ഫീച്ചറാണ്. വാട്‌സാപ്പില്‍ Disappearing Message എന്ന ഫീച്ചര്‍ ഉള്ളത് നിങ്ങള്‍ക്ക് അറിയാമോ? അറിയുന്നവരുണ്ടാവും. മറ്റു പ്ലാറ്റ്‌ഫോമുകളില്‍ എല്ലാം ഒരുപാട് മുന്നെ തന്നെ വന്നതായിരുന്നു ഈ ഫീച്ചര്‍. ഈ ഫീച്ചര്‍ ഉപയോഗിച്ചാല്‍ ഏഴ് ദിവസം വരെ വാട്‌സാപ്പില്‍ നമുക്ക് മെസേജ് കാണാം അത് കഴിഞ്ഞാല്‍ താനെ മാഞ്ഞുപോവും. ഇത്രയും ദിവസം കിട്ടുന്നത് വാട്‌സാപ്പിന്റെ ഒരു പ്രത്യകതയെന്ന് പറയാം.

എങ്ങനെ ഈ ഫീച്ചര്‍ ഉപയോഗിച്ച് മെസേജ് അയക്കുന്നവര്‍ക്കും സ്വീകരിക്കുന്നവര്‍ക്കും ഒരുപോലെ മാഞ്ഞുപോകും എന്ന് നോക്കാം.

1. വാട്‌സാപ്പിലെ ഒരു ചാറ്റ് തുറക്കുക.

2. ഏറ്റവും മുകളില്‍ പേരില്‍ ടാപ്പ് ചെയ്യുക.

3. താഴേക്ക് സ്‌ക്രോള്‍ ചെയ്യുമ്പോള്‍ നിങ്ങള്‍ക്ക് Disappering Message എന്ന് കാണാം. അത് ഓഫായിരിക്കും.

4. അത് ഓണ്‍ ആക്കുക.

5. അതിന് ശേഷം ചാറ്റില്‍ ഒരു നോട്ടിഫിക്കേഷന്‍ കാണും. ഏഴ് ദിവസം കഴിഞ്ഞാല്‍ ചാറ്റ് കാണാതാവും എന്ന് കാണാം. ഇത് പോലെ ഗ്രൂപ്പിലും ചെയ്യാം.