Also Read: നസീറിന്റെ പിണക്കം, കേരളദേശത്തിന്റെ പിറവി; കൃഷ്ണസ്വാമി റെഡ്യാര്‍ ഏറ്റെടുത്ത വെല്ലുവിളി| Media Roots 33
അതിവിപുലമായ പിന്തണ വായനക്കാരില്‍നിന്ന് ആ പത്രത്തിന് ലഭിച്ചിരുന്നു. തികച്ചും ജനാധിപത്യപരമായി, മൂല്യവത്തായ പൊതുസേവനമെന്ന നിലയില്‍ പ്രധാനപ്പെട്ട വാര്‍ത്തകളുടെയും കാഴ്ചപ്പാടുകളുടെയും സെന്‍സേഷണല്‍ അവതരണത്തില്‍ ഡെയ്ലി മിറര്‍ വിശ്വസിച്ചുപോരുന്നു. സംഭവങ്ങളുടെ ഉജ്ജ്വലവും നാടകീയവുമായ അവതരണമാണ് വായനക്കാരന്റെ മനസ്സില്‍ ശക്തമായ സ്വാധീനം ചെലുത്തുന്നത്'' ആ തിരിച്ചറില്‍ നിന്നാണ് കേരളദേശം ടീം ഇങ്ങനെയൊരു നിലപാടിലെത്തിച്ചേര്‍ന്നത്.
1903-ല്‍ ആരംഭിച്ച ദി ഡെയ്ലി മിറര്‍ ഇരുപതാം നൂറ്റാണ്ടിന്റെ രണ്ടാം പകുതിയില്‍ ബ്രിട്ടീഷ് പത്രങ്ങളുടെ ഗതി മാറ്റുന്നതില്‍ വലിയ സ്വാധീനം ചെലുത്തിയ ചരിത്രമൊക്കെ കേരളദേശം ടീമിനെ ആവേശം കൊള്ളിച്ചിരുന്നു. അതിന്റെ തൊഴിലാളിവര്‍ഗ വീക്ഷണങ്ങള്‍ കൃഷ്ണസ്വാമി റെഡ്യാര്‍ക്ക് വളരെ ഇഷ്ടപ്പെട്ടു. ഒരുകാലത്ത് ഡെയ്ലി മിറര്‍ പ്രതിദിനം 4.5 ദശലക്ഷത്തിലധികം കോപ്പികള്‍ വിറ്റഴിച്ചിരുന്നു.
ഏത് പ്രതിബന്ധങ്ങളേയും തരണം ചെയ്ത് കേരളദേശം ഡെയ്ലി മിററിനെപ്പോലെ കേരളമണ്ണില്‍ നിലനിര്‍ത്തണമെന്ന് അതിയായി ആഗ്രഹിച്ചിരുന്നു. അതിനാല്‍ എല്ലാ സന്നാഹങ്ങളോടും കൂടിയാണ് പത്രത്തിന് തുക്കമിട്ടത്. പിടിഐ, റോയിട്ടര്‍, യുഎന്‍ഐ, ഏപി തുടങ്ങിയ വാര്‍ത്താ ഏജന്‍സികള്‍. പ്രധാന കേന്ദ്രങ്ങളിലെല്ലാം സ്വന്തം ലേഖകന്മാര്‍, ബെസ്റ്റ് ഫോട്ടോഗ്രാഫര്‍മാര്‍. പ്രതിദിനം ഒരുപേജ് സിനിമയ്ക്ക് മാത്രമായി നീക്കിവച്ചു. നിരവധി വാര്‍ത്താ ചിത്രങ്ങള്‍, കാര്‍ട്ടൂണുകള്‍, സ്ഥലനാമ ചരിത്രം. ദിവസേന തുടര്‍ നോവല്‍. വില 25 പൈസ മാത്രമാണിട്ടിരുന്നത്. അഞ്ചുവര്‍ഷക്കാലത്തേക്ക് യാതൊരു ലാഭവുമില്ലെങ്കിലും പത്രം നടത്തിക്കൊണ്ടുപോകാമെന്നുള്ള ഉറപ്പും കൃഷ്ണസ്വാമിറെഡ്യാര്‍ നല്‍കിയിരുന്നു. ഒന്നാന്തരമൊരു ലൈബ്രറിയും കേരളദേശത്തിനുണ്ടായിരുന്നു.
എഡിറ്റോറിയല്‍ ബോര്‍ഡ് ചെയര്‍മാനായണ് പി. സി കുട്ടികൃഷ്ണമേനോന്‍ (ഉറുബ്) നിയമിതനാകുന്നത്. കൃഷ്ണസ്വാമി റെഡ്യാര്‍ക്ക് പ്രിയപ്പെട്ട വ്യക്തിയായ കെ. എന്‍ പി കുറുപ്പ് പ്രത്യേക റിപ്പോര്‍ട്ടറായി കേരളദേശത്തിലുണ്ടായിരുന്നു.
കെവിഎസ് ഇളയതായിരുന്നു പുതിയ പുതിയ പംക്തികള്‍ കണ്ടെത്തി അതിനുപറ്റിയവരെ അണിനിരത്തിക്കൊണ്ടിരുന്നത്. സ്ഥലനാമ ഗവേഷണത്തിനായി അദ്ദേഹം തെരഞ്ഞെടുത്തത് വിളക്കുടി രാജേന്ദ്രനെ ആയിരുന്നു.
അതേക്കുറിച്ച് വിളക്കുടി രാജേന്ദ്രന്‍ 2020 മാര്‍ച്ച് 15ന് പുറത്തിറങ്ങിയ മാതൃഭൂമി ആഴ്ചപ്പതിപ്പിലെ എന്‍ഗുരു എന്ന ലേഖനത്തിത്തില്‍ എഴുതിയിരിക്കുന്നതിങ്ങനെ:
'കേരളദേശം പത്രത്തില്‍ പ്രവര്‍ത്തിക്കുമ്പോള്‍ പത്രാധിപര്‍ കെവിഎസ് ഇളയത് എനിക്കുനല്‍കിയ ജോലിയാണ് 'സ്ഥലഗവേഷണം'. ഭാഷാ ഇന്‍സ്റ്റിറ്റ്യൂട്ടിലെ സ്ഥലഗവേഷണത്തിലെത്താനും ഡോ. പുതുശേരി സാറിനെപ്പോലെ ഒരാചാര്യന്റെ കീഴില്‍ ഇതേ വിഷയത്തില്‍ ഗവേഷണം നടത്താനും ഭാഗ്യമൊരുക്കിയത് ഇളയതിന്റെ ഇടപെടലാണ്.'
കേരളദേശത്തിന്റെ കരുത്തനായ മറ്റൊരു പത്രപ്രവര്‍ത്തകനാണ് പ്രഭാകരന് പുത്തൂര്‍. അദ്ദേഹത്തെ കൊണ്ടുവരാന്‍ തീരുമാനിച്ചത് ഇളയതിന്റെ ഭാര്യ എന്‍. ശാന്തകുമാരി ടീച്ചറുടെ അഭ്യര്‍ത്ഥനപ്രകാരമായിരുന്നു.
എന്തിനേറെ നല്ല പ്രായത്തില്‍ വിവാഹം കഴിക്കാന്‍ പോലും മറന്നുപോയൊരു മനുഷ്യന്‍..! ദീപികയുടെ റിപ്പോര്‍ട്ടര്‍ കെ സി സെബാസ്റ്റ്യനും ഹിന്ദു ദിനപത്രത്തിലെ സമ്പത്തും മറ്റൊരു പത്രപ്രവര്‍ത്തകനായ കെ. ആര്‍ രവിയും മറ്റും അവിവാഹിതരായിരുന്നു. അവര്‍ക്കൊന്നും വിവാഹത്തെക്കുറിച്ച് വലിയ താല്‍പ്പര്യമില്ലായിരുന്നു. എന്നാല്‍ അവസാന കാലത്ത് ഏകനായതിനാല്‍ ശുശ്രൂഷിക്കാന്‍ ആരുമില്ലാതായ വിശേഷങ്ങളൊക്കെ അന്ന് പത്രപ്രവര്‍ത്തകര്‍ക്കിടയില്‍ ചര്‍ച്ചയായിരുന്നു. അക്കാലത്ത് ഇളയത് തന്റെ അധ്യാപകന്‍ കുറ്റിപ്പുഴ കൃഷ്ണപിള്ളയുമായി നേരില്‍ കാണാനിടയായി. ഉടന്‍ തന്നെ വിവാഹം കഴിക്കണം എന്ന അദ്ദേഹത്തിന്റെ ഉപദേശവും മറ്റും ഇളയതിനെ ഏറെ സ്വാധീനിച്ചു. അങ്ങനെയാണ് വിവാഹത്തിന് തയ്യാറായത്. തിരുവനന്തപുരത്തുതന്നെ ഉണ്ടായിരുന്ന എന്‍. ശാന്തകുമാരി എന്ന കോളേജ് അധ്യാപികയുടെ ആലോചനചില പരിചയക്കാര്‍ വഴി വന്നു. അങ്ങനെ അവര്‍ തമ്മിലുള്ള വിവാവും നടന്നു. ഈ ദമ്പതികള്‍ക്ക് ഹരിശങ്കര്‍. അഞ്ജന ശങ്കര്‍ എന്നിങ്ങെ രണ്ട് മക്കളുമുണ്ടായി.
തിരുവനന്തപുരം മഹാത്മഗാന്ധി കോളേജില്‍ ശന്തകുമാരി ടീച്ചറുടെ പ്രിയ ശിക്ഷ്യനായിരുന്നു പ്രഭാകരന് പുത്തൂര്‍. അവിടെ പഠിക്കുന്ന കാലത്ത് എഴുത്തുമത്സരത്തിലൂടെ കോളേജ് മാഗസിന്‍ എഡിറ്റര്‍ ഒക്കെയായി ശോഭിച്ച മിടുക്കന്‍. ജേണലിസം പഠിച്ചശേഷം ദേശാഭിമാനിയില്‍ സബ് എഡിറ്ററായി പ്രവര്‍ത്തിക്കുന്നുണ്ടെന്ന് ശാന്തകുമാരി ടീച്ചറാണ് ഇളയതിനെ അറിയിച്ചത്.
ടാബ്ലോയിഡ് മോഡല്‍ നല്ലതാണെങ്കിലും അതിന് ഒട്ടേറെ പരിമിതികളുണ്ടായിരുന്നു. അതില്‍ പ്രധാനപ്പെട്ടൊരു കാര്യം പത്രങ്ങള്‍ക്കുവേണ്ടി അക്കാലത്ത് പരസ്യങ്ങളുടെ ബ്ലോക്ക് തയ്യാറാക്കി നല്‍കുകയായിരുന്നു പതിവ്. പ്രഭാതപത്രങ്ങള്‍ എല്ലാം തന്നെ എട്ട് കോളമുള്ള ബ്രോഡ് ഷീറ്റായിട്ടാണ് പ്രസിദ്ധീകരിച്ചുകൊണ്ടിരുന്നത്. കേരളദേശത്തിനു മാത്രമായി ബ്ലോക്കുണ്ടാക്കി പരസ്യക്കാര്‍ നല്‍കില്ലല്ലോ. ഏജന്റുമാരാണെങ്കില്‍ തുടക്കംമുതലേ ടാബ്ലോയിഡിനോട് (കുട്ടിപ്പത്രം)എതിര്‍പ്പ് പ്രകടിപ്പിച്ചുകൊണ്ടെയിരുന്നു. ഒടുവില്‍ കേരളദേശവും ബ്രോഡ് ഷീറ്റിലേക്ക് മാറി.
നല്ലൊരു ടീമിനെ വാര്‍ത്തെടുക്കാന്‍ കെവിഎസ് ഇളയതിനും കൂട്ടര്‍ക്കും കഴിഞ്ഞിരുന്നു. എല്ലാവരും തന്നെ മാസ്റ്റര്‍ ഡിഗ്രി എടുത്തവരും റാങ്ക് ജേതാക്കളുമൊക്കെയായിരുന്നു. അവര്‍ ഒരേ മനസ്സോടെ വാര്‍ത്തകളോടും ജനങ്ങളോടും കൂറുപുലര്‍ത്തി. നല്ലൊരു ഞായറാഴ്ചപ്പതിപ്പും കേരളദേശം ഇറക്കാന്‍ തുടങ്ങി. പത്രത്തിന്റെ പ്രചാരം നാള്‍ക്കുനാള്‍ വര്‍ദ്ധിച്ചുകൊണ്ടിരുന്നു.
അടിയന്തിരാവസ്ഥയും കേരളദേശവും
1975 ജൂണ്‍ 26-ാംതിയതി. കേരളദേശം ഓഫീസ് പതിവുപോലെ സജീവമായിരുന്നു. കുമ്മനം രാജശേഖരന്‍ ഓഫീസിലുണ്ടെങ്കില്‍ വാര്‍ത്താ ഏജന്‍സിയുടെ ടെലിപ്രിന്ററിന് ചുറ്റുമായി കാണും. രാജ്യത്തു നടക്കുന്ന കാര്യങ്ങള്‍ അപ്പപ്പോള്‍ അറിയണമെന്നത് ഒരു വാശിപോലെ കൊണ്ടുനടന്ന മനുഷ്യന്‍. അന്ന് ടെലിപ്രിന്ററില്‍ നോക്കിയ അദ്ദേഹം അല്പം ഉച്ചത്തില്‍തന്നെ വിളിച്ചുകൂകി. ' അടിയന്തരാവസ്ഥ ...എമര്‍ജന്‍സി..!' സെബാസ്റ്റ്യനും പ്രഭാകരനും ഓടി ടെലിപ്രിന്ററിനടുത്തെത്തി.
അന്ന് തിരുവനന്തപുരത്തെ പത്രക്കാര്‍ക്കിടയില്‍ അത്ര പരിചിതനല്ലാത്ത പ്രഭാകരനെ കെവിഎസ് ഇളയത് പരിചയപ്പെടുത്താന്‍ തുടങ്ങി. ഉടന്‍ ഒരു കടലാസ് വലിച്ചെടുത്ത് അതില്‍ നോക്കി കരുണാകരന് പറഞ്ഞു:
പുറത്ത് ആകാംക്ഷയോടെ പ്രഭാകരനേയും കാത്ത് ഇളയത് നില്‍ക്കുന്നുണ്ടായിരുന്നു. അവിടെ നടന്ന കാര്യങ്ങള്‍ അപ്പോള്‍ തന്നെ പ്രഭാകരന് അറിയിക്കുകയും ചെയ്തു. ഇളയത് ഒന്നൂറിച്ചിരിച്ചതല്ലാതെ മറുപടി ഒന്നും പറഞ്ഞില്ല.
തലേദിവസത്തെ പത്രത്തിന്റെ പേജ് ചെയ്യാതിരിക്കുന്നുണ്ടിവിടെ. ഫോര്‍മാന്‍ ശിവദാസന്‍ പിള്ള പറഞ്ഞു അതിലൊരു പേജ് നമുക്ക് ഉപയോഗപ്പെടുത്തിയാലോ എന്ന പ്രഭാകരന്റെ ആശയം എല്ലാവര്‍ക്കും തൃപ്തികരമായിരുന്നു. വൈകീട്ട് അഞ്ചരയ്ക്ക് തന്നെ 'കേരളദേശ'ത്തിന്റെ ഒരു ഷീറ്റ് വലുപ്പമുള്ള സപ്ലിമെന്റ് തയ്യാറാക്കിക്കഴിഞ്ഞു. പത്രം കണ്ടതോടെ എല്ലാവര്‍ക്കും ആവേശമായി.
തികച്ചും ദുഃഖകരമായ വാര്‍ത്തയായിരുന്നു അത്. പക്ഷേ കേരളദേശത്തെ സംബന്ധിച്ചിടത്തോളം ആ ദുഃഖമായരുന്നില്ല പ്രധാനം. അന്ന് വൈകിട്ട് തിരുവനന്തപുരം നഗരത്തിലിറങ്ങിയ 'കേരളദേശം' സപ്ലിമെന്റിന് വലിയ ഡിമാന്റായിരുന്നു. ഇതറിഞ്ഞപ്പോള്‍ അതിന്റെ പിന്നില്‍ പ്രവര്‍ത്തിച്ചവര്‍ക്കുണ്ടായ സന്തോഷം പറഞ്ഞറിയിക്കാന്‍ കഴിയുമായിരുന്നില്ല. പിറ്റേ ദിവസം കൃഷ്ണസ്വാമി റഡ്യാര്‍ എല്ലാവരേയും വിളിച്ച് അഭിനന്ദിക്കുകയും പാരിതോഷികം നല്‍കുകയും ചെയ്തു.
അടിയന്തിരാവസ്ഥ വന്നതോടെ പത്രം വിചാരിച്ചമാതിരി കൊണ്ടുപോകാന്‍ കഴിയുകയില്ല എന്ന് കൃഷ്ണ സ്വമി റഡ്യാര്‍ക്ക് മനസ്സിലായി തുടങ്ങിയിരുന്നു. പത്രത്തില്‍ വരുന്ന വാര്‍ത്തകളെ ചൊല്ലി പലരും നിരന്തരമായി പരാതി പറയുന്നു. അതിനിടെ ഉറൂബ് മനോരമ ആഴ്ചപ്പതിപ്പിന്റെ പത്രാധിപത്യം ഏറ്റെടുക്കാന്‍ തീരുമാനിച്ചു. അതോടെ കേരളദേശത്തിനും കുങ്കുമത്തിനും പുതിയ പത്രാധിപര്‍ ആവശ്യമായി വന്നു. അതിന് പറ്റിയ ആളെ തീരുമാനിക്കാന്‍ റെഡ്യാര്‍ ഉറൂബിനെതന്നെ ചുമതലപ്പെടുത്തി. എന്‍. വി കൃഷ്ണവാര്യരുടെ പേര് വന്നതങ്ങിനെയാണ്. അന്ന് മധുരയില്‍ ഗവേഷണത്തില്‍ ഏര്‍പ്പെട്ടിരുന്ന എന്‍. വിയുമായി ഉറൂബ് ഇക്കാര്യം സംസാരിച്ചു. അതേത്തുടര്‍ന്നാണ് കേരളദേശത്തിന്റേയും കുങ്കുമത്തിന്റേയും ചീഫ് എഡിറ്റര്‍ സ്ഥാനത്തേക്ക് എന്‍. വി കൃഷ്ണവാര്യര്‍ വരുന്നത്.
ആനുകൂല്യങ്ങള്‍ക്കുവേണ്ടി മാനേജ്‌മെന്റുമായി ചര്‍ച്ചയ്ക്ക് മുന്നില്‍ നിന്നത് കുമ്മനം രാജശേഖരനായിരുന്നു. അന്ന് ടി.വി.തോമസായിരുന്നു വ്യവസായമന്ത്രി. വക്കം പുരുഷോത്തമന്‍ തൊഴില്‍ മന്ത്രിയും. പത്രപ്രവര്‍ത്തക ഇതര ജീവനക്കാര്‍ക്കായി ചര്‍ച്ചയ്‌ക്കെത്തിയത് സിപിഐ നേതാവ് സി. ദിവാകരനായിരുന്നു. ചര്‍ച്ചകളിലൊന്നില്‍ ആനുകൂല്യം സംബന്ധിച്ചു ധാരണയായി. സെക്രട്ടേറിയറ്റില്‍ ചര്‍ച്ച കഴിഞ്ഞിറങ്ങുമ്പോള്‍ കൃഷ്ണസ്വാമിറെഡ്യാര്‍ പറഞ്ഞത് 'ഇതൊക്കെ നേരത്തേ ചോദിച്ചാല്‍ ഞാന്‍ സന്തോഷത്തോടെ തരില്ലായിരുന്നോ?'എന്നായിരുന്നു.
എന്തായാലും വലിയ ലക്ഷ്യത്തോടെ തുടങ്ങിയ കേരളദേശം പത്രം അങ്ങിനെ അവസാനിച്ചു. പിന്നീട് ഇതേ പേരില്‍ കെവിഎസ് ഇളയതിന്റെ തന്നെ പത്രാധിപത്യത്തില്‍ വാരികയായി കേരളദേശം പ്രസിദ്ധീകരിച്ചെങ്കിലും അതും അല്‍പ്പായുസായിപ്പോയി.
ഇനിയാർക്ക് വേണം ലേണിംഗ് ആപ്പ്? ഇനി പഠിക്കാം ഈസിയായി! ഔട്ട്‍ക്ളാസിൽ!
