ഓക്‌സ്‌ഫോര്‍ഡ്-അസ്ട്രാസെനേകയുടെ പുതിയ പഠനങ്ങള്‍ ആശങ്കയും അതേസമയം പ്രതീക്ഷയും നല്‍കുന്നതാണ്. ദക്ഷിണാഫ്രിക്കന്‍ വകഭേദത്തെ പരിമിതമായ തോതില്‍ ചെറുക്കാന്‍ മാത്രമേ നിലവിലെ വാക്‌സിനുകള്‍ക്ക് കഴിയൂ എന്നാണ് പ്രാഥമിക പഠനം. ഈ വൈറസ് വഴിയുണ്ടാകുന്ന തീവ്രമല്ലാത്ത രോഗങ്ങളെ പ്രതിരോധിക്കുന്നതില്‍ നേരിയ പ്രതീക്ഷ ഇത് നല്‍കുന്നു. എന്നാല്‍, കൂടുതല്‍ പേരില്‍ അത് വന്നാലുണ്ടാകുന്ന ആഘാതത്തെ ചെറുക്കാന്‍ പര്യാപ്തമാകുമോ എന്ന് തെളിയിക്കാനായില്ലെന്ന് അസ്ട്രാസെനേക വക്താവ് അറിയിച്ചതായി ബിബിസി റിപ്പോര്‍ട്ട് ചെയ്തു. നേരിയ പരിരക്ഷ നല്‍കുമെന്നതിനാല്‍ ഈ രംഗത്ത് കൂടുതല്‍ ഗവേഷണ സാധ്യത തുറന്നിടുന്നു എന്നതാണ് ഇതിനിടയിലും പ്രതിക്ഷ നല്‍കുന്ന ഘടകം.
