സ്വന്തം നാട്ടിലെ കലാശപ്പോരാട്ടത്തിന്റെ അവസാന വിസില്‍ മുഴങ്ങിയതിന് പിന്നാലെ ആയിരുന്നു നെയ്മര്‍ കണ്ണീരണിഞ്ഞത്. അര്‍ജന്റീന താരങ്ങള്‍ വിജയാഘോഷം നടത്തവെ സമീപത്ത് കൂടി ജേഴ്‌സിയില്‍ കണ്ണീര്‍ തുടഞ്ഞുകൊണ്ടാണ് നെയ്മര്‍ നീങ്ങിയത്. സഹതാരങ്ങളായ അലിസന്‍, വിനീസ്യൂസ് ജൂനിയര്‍ എന്നിവര്‍ താരത്തെ ആശ്വസിപ്പിച്ച് എത്തി. തുടര്‍ന്ന് ഗ്രൗണ്ടില്‍ മുട്ടുകുത്തിയെങ്കിലും നെയ്മറിന് കരച്ചില്‍ അവസാനിപ്പിക്കാനായില്ല.
പിന്നാലെ അര്‍ജന്റീന പരിശീലകന്‍ ലയണല്‍ സ്‌കലോനിയും ആശ്വാസവാക്കുകളുമായി എത്തി. ഇതിനുശേഷമാണ് സുഹൃത്ത് കൂടിയായ മെസി നെയ്മറിന്റെ അരികിലേക്ക് എത്തി ചേര്‍ത്ത് പിടിച്ച് ആലിംഗനം ചെയ്തതും. മെസിയുടെ തോളില്‍ മുഖമമര്‍ത്തി നെയ്മര്‍ കരയുന്നതും വീഡിയോ ദൃശ്യങ്ങളില്‍ കാണാം. ഇതിനുപിന്നാലെയാണ് സമ്മാനദാനത്തിന് ശേഷമുളള ചിത്രങ്ങള്‍ ട്വിറ്ററിലൂടെ എത്തിയത്. ജേഴ്‌സി ഇല്ലാതെ സൗഹൃദം പങ്കിട്ട് കളിചിരിയോടെ ഇരിക്കുന്ന നെയ്മറിനെയും മെസിയെയുമാണ് ചിത്രത്തില്‍ കാണാന്‍ കഴിയുന്നത്.
ഇനിയാർക്ക് വേണം ലേണിംഗ് ആപ്പ്? ഇനി പഠിക്കാം ഈസിയായി! ഔട്ട്‍ക്ളാസിൽ!
