ഓൺലൈൻ പഠനത്തോടെ ഡിജിറ്റൽ ഉപകരണങ്ങൾ സ്വതന്ത്ര്യമായും സ്വന്തമായും ഉപയോഗിക്കാൻ തുടങ്ങിയ കൗമാരക്കാർക്ക് മുന്നിൽ വിവര സാങ്കേതിക വിദ്യയുടെ വിശാലമായ വാതിൽ തുറന്നതിനൊപ്പം അപകടവഴികളും ഏറെയാണെന്നാണ് സമീപകാലത്തെ വർധിച്ച് വരുന്ന ആത്മഹത്യകൾ മനസിലാക്കി തരുന്നതെന്ന് മാനസികാരോഗ്യ വിദഗ്ധനും തണൽ ആത്മഹത്യാ പ്രതിരോധ കേന്ദ്രം ട്രസ്റ്റ് ചെയർമാനുമായ ഡോ. പി.എൻ സുരേഷ് കുമാർ പറയുന്നു. കൊവിഡ് കാലത്തെ ഓൺലൈൻ പഠനവും മൊബൈലും ടാബും അടക്കമുളള ഡിജിറ്റൽ ഉപകരണങ്ങളുടെ അനായാസ ലഭ്യതയും കുട്ടികളിൽ ഏതൊക്കെ തരത്തിലുളള മാറ്റങ്ങളാണ് ഉണ്ടാക്കിയതെന്നും കൗമാരക്കാരിലെ ആത്മഹത്യയെ തടയാൻ എന്താണ് നമുക്ക് ചെയ്യാൻ കഴിയുകയെന്നും ലോക ആത്മഹത്യാ പ്രതിരോധ ദിനത്തോട് അനുബന്ധിച്ച് ഡോ. സുരേഷ് കുമാർ വിശദീകരിക്കുകയാണ്.
ഒന്നാം ക്ലാസ് മുതലുളള കുട്ടികള്‍ക്ക് മൊബൈലും ടാബും അടക്കമുളള ഡിജിറ്റൽ ഉപകരണങ്ങളും ഡാറ്റയും ദിവസവും ഉപയോഗിക്കാനായി കിട്ടുകയാണ്. തലച്ചോറിന് ഒരു പാകത എത്താത്ത, പക്വതക്കുറവ് വരാത്ത സമയത്താണ് വിരല്‍ത്തുമ്പില്‍ ഇന്റര്‍നെറ്റിന്റെ വിശാലലോകം തുറന്നുകിട്ടുന്നത്. വിവരസാങ്കേതിക വിദ്യ പുരോഗമിച്ചത് കൊണ്ട് തന്നെ നമുക്ക് ആവശ്യമുളളതും വേണ്ടാത്തതുമായ എല്ലാം അതിലുണ്ടാകും. പോണ്‍ സൈറ്റുകള്‍, ചാറ്റിങ്, ഗെയിംസ്, ഇങ്ങനെ വിര്‍ച്വല്‍ വേള്‍ഡിന്റെ അനന്തസാധ്യതയാണുളളത്. ഒന്ന് കൈ തെറ്റിയാല്‍ ആവശ്യമില്ലാത്ത വിവരങ്ങളിലേക്കുളള പോക്കായിരിക്കും സംഭവിക്കുക. ഇതിനെ നമുക്ക് നിയന്ത്രിക്കാന്‍ പറ്റുന്നൊരു തലച്ചോറാണെങ്കില്‍ കുഴപ്പമില്ല. മോശം കാര്യങ്ങളാണ്, ഇതിലേക്ക് നമ്മള്‍ പോകരുത്, അതിന് അടിമയാകും എന്ന് ചിന്തിക്കാന്‍ പറ്റാത്ത തലച്ചോറും അതേസമയം തന്നെ കയ്യിലുളള ഡിജിറ്റൽ ഉപകരണങ്ങളിൽ എന്തുചെയ്താലും രഹസ്യമാക്കി വെക്കാന്‍ പറ്റുന്ന സംവിധാനങ്ങളുമാണ് കുട്ടികൾക്ക് മുന്നിലുളളത്. ഏത് സൈറ്റില്‍ പോയി, എന്ത് ചെയ്തു എന്നത് ഹിസ്റ്ററി പരിശോധിച്ചാല്‍ അല്ലാതെ ആരും അറിയില്ലല്ലോ. ഇതുകൊണ്ട് തന്നെ കൗമാരപ്രായക്കാരും കുട്ടികൾ സൗകര്യങ്ങളും സ്വാതന്ത്ര്യവും ദുരുപയോഗം ചെയ്യാനുളള സാധ്യത കൂടുതലാണ്.
ഹോർമോൺ വ്യത്യാസങ്ങളുടെ കൗമാരം
പെർമിസീവ് പേരന്റിങ്ങും പ്രൈം ടൈമും
കുട്ടിയ്ക്ക് പഠനാവിശ്യത്തിന് മാത്രം ഉതകുന്ന സംഗതികൾ ഉളള മൊബൈൽ മാത്രം നൽകിയാൽ മതിയാകും. കൂടാതെ മൊബൈല്‍ കംപ്യൂട്ടര്‍ ലിറ്ററസിയും രക്ഷകർത്താക്കൾക്ക് തീര്‍ച്ചയായും വേണ്ടതാണ്. അതായത് എന്റെ കുട്ടി പഠിക്കുകയാണോ, വേറെ എന്തെങ്കിലും ചെയ്യുകയാണോ എന്ന് നിരീക്ഷിക്കാന്‍ കഴിയുന്ന വിധത്തില്‍, അവന്റെ ഓണ്‍ലൈന്‍ ആക്റ്റിവിറ്റീസ് എന്താണെന്ന് മനസിലാക്കാൻ മാതാപിതാക്കള്‍ എപ്പോഴും ശ്രദ്ധിക്കണം. മറ്റൊന്ന് കുട്ടികളുടെ കൂടെ രക്ഷകർത്താക്കൾ പ്രൈം ടൈം ചെലവഴിക്കുക. നമ്മള്‍ എപ്പോഴും നമ്മുടേതായ ബിസി ലോകത്താണല്ലോ, കുട്ടികള്‍ക്ക് നമ്മള്‍ ഫോണ്‍ കൊടുത്ത് പഠിച്ചോ എന്ന് പറയുന്നതിന് അപ്പുറം കുട്ടി എന്താ ചെയ്യുന്നതെന്ന് കൃത്യമായി അറിഞ്ഞിരിക്കണം.
ഇത്തരത്തിലുളള പ്രശ്‌നങ്ങള്‍ കാണിക്കുമ്പോള്‍ കുഞ്ഞുങ്ങളോട് വൈകാരികമായി പ്രതികരിക്കരുത്. കാരണം പ്രത്യേകിച്ച് ഇന്നത്തെ തലമുറയിലെ കുട്ടികളോട്, ദേഷ്യത്തില്‍ എടുത്തുചാടി ഭീഷണിപ്പെടുത്തുമ്പോഴാണ് അവർ വാശിക്ക് ആത്മഹത്യയിലേക്കൊക്കെ തിരിയുന്നത്. വളരെ ക്ഷമയോട് കൂടി ശാന്തമായിട്ട് കുട്ടികളുടെ പ്രശ്‌നങ്ങള്‍ തിരിച്ചറിയാന്‍ ശ്രമിക്കുക. അങ്ങനെ കഴിയുന്നില്ലെങ്കില്‍ മാനസികാരോഗ്യ വിദഗ്ധന്റെ സേവനം തേടാം.
ഇനിയാർക്ക് വേണം ലേണിംഗ് ആപ്പ്? ഇനി പഠിക്കാം ഈസിയായി! ഔട്ട്‍ക്ളാസിൽ!
