രണ്ടാം മോദി സർക്കാരിൽ രാജിവെച്ച മന്ത്രിമാർ എത്ര, പുതിയ മന്ത്രിമാർ ആരെല്ലാം? അറിയാം

രണ്ടാം മോദി സർക്കാരിന്റെ മന്ത്രിസഭാ പുനഃസംഘടനയിൽ ആരോ​ഗ്യമന്ത്രി, വിദ്യാഭ്യാസ മന്ത്രി എന്നിവർ അടക്കം 11 പേർ പുറത്തായപ്പോൾ പുതിയതായി അധികാരത്തിലേക്ക് എത്തുന്നത് 43 പേർ. മുൻപത്തെ അപേക്ഷിച്ച് യുവാക്കൾക്കും വനിതകൾക്കും വലിയ പ്രാതിനിധ്യം നൽകിയുളള മന്ത്രിസഭാ പുഃനസംഘാടനമാണ് ഇത്തവണ ഉണ്ടായത്. മലയാളിയായ രാജ്യസഭാം​ഗം രാജീവ് ചന്ദ്രശേഖറും മന്ത്രിയാകും. കോണ്‍ഗ്രസ് വിട്ട് ബിജെപിയില്‍ എത്തിയ ജ്യോതിരാദിത്യ സിന്ധ്യ കാബിനറ്റ് പദവിയോടെ മന്ത്രിസഭയില്‍ എത്തും. അസമില്‍നിന്നുള്ള സര്‍ബാനന്ദ സോനോവാള്‍, മഹാരാഷ്ട്രയില്‍നിന്നുള്ള നാരായണ്‍ റാണെ എന്നിവരും കാബിനറ്റ് മന്ത്രിമാരാകും.

കൊവിഡിന്റെ രണ്ടാം തരം​ഗം നേരിടുന്നതിൽ വീഴ്ച പറ്റിയെന്ന ഏറെ വിമർശനങ്ങൾ ഉയർന്ന ആരോ​ഗ്യവകുപ്പിൽ നിന്നും ഡോ. ഹർഷവർധനെ പുറത്താക്കിയതാണ് പ്രധാന മാറ്റം. കൂടാതെ നിയമം- ഇലക്ട്രോണിക്‌സ്- ഐടി വകുപ്പ് മന്ത്രി രവിശങ്കര്‍ പ്രസാദ്, വനം പരിസ്ഥിതി വകുപ്പുമന്ത്രി പ്രകാശ് ജാവഡേക്കര്‍, രാസവളം മന്ത്രി സദാനന്ദ ​ഗൗഡ, വിദ്യാഭ്യാസ മന്ത്രി രമേശ് പൊഖ്രിയാൽ നിശാങ്ക്, തൊഴിൽ മന്ത്രി സന്തോഷ് ​ഗാംങ്വാർ, വനിതാ ശിശുക്ഷേമ മന്ത്രി ദേബശ്രീ ചൗധരി, മൃഗക്ഷേമ സഹമന്ത്രി പ്രതാപ സാരംഗി, ആരോഗ്യ സഹമന്ത്രി അശ്വിനി ചൗബേ, വിദ്യാഭ്യാസ സഹമന്ത്രി സഞ്ജയ് ധോത്രെ, പരിസ്ഥിതി സഹമന്ത്രി ബാബുല്‍ സുപ്രിയോ എന്നിവരും രാജിവെച്ചതിൽ പെടുന്നു.

കൊവിഡിനെ നേരിടുന്നതിലെ വീഴ്ചയാണ് ആരോ​ഗ്യമന്ത്രി, ആരോ​ഗ്യ സഹമന്ത്രി എന്നിവരുടെ രാജിക്ക് കാരണമെന്നാണ് വിവരം. കൂടാതെ കൊവിഡും ലോക്ഡൗണും വന്നതോടെ ഉണ്ടായ തൊഴിൽ നഷ്ടം പരിഹരിക്കാനോ, വിഷയം കൈകാര്യം ചെയ്യാനോ തൊഴിൽ മന്ത്രാലയത്തിന് സാധിച്ചിരുന്നില്ല. ഇത് സന്തോഷ് ​ഗാംങ്വാറിനും തിരിച്ചടിയായി. എന്നാൽ രാജിയുടെ കാരണങ്ങളെക്കുറിച്ച് ഒന്നും പറയാനില്ലെന്നാണ് മന്ത്രിമാർ പ്രതികരിച്ചത്. നാൽപ്പത്തി മൂന്ന് പേരാണ് പുതിയ മന്ത്രിമാരായി ചുമതലയേൽക്കുന്നത്.

മന്ത്രിമാരുടെ പട്ടിക

• നാരായണ്‍ റാണെ
• സര്‍ബാനന്ദ സോനോവാള്‍
• ഡോ. വീരേന്ദ്ര കുമാര്‍ 
• ജ്യോതിരാദിത്യ സിന്ധ്യ
• രാമചന്ദ്ര പ്രസാദ് സിങ്
• അശ്വിനി വൈഷ്ണവ്
• പശുപതി കുമാര്‍ പരസ്
• കിരണ്‍ റിജിജു
• രാജ് കുമാര്‍ സിങ്
• ഹര്‍ദീപ് സിങ് പുരി
• മസൂഖ് മാണ്ഡവ്യ
• ഭൂപേന്ദ്ര യാദവ്
• പുരുഷോത്തം രുപാലിയ
• ജി കിഷന്‍ റെഡ്ഡി
• അനുരാജ് സിങ് ഠാക്കൂര്‍
• പങ്കജ് ചൗധരി
• അനുപ്രിയ സിങ് പട്ടേല്‍
• സത്യപാല്‍ സിങ് ബാഗേല്‍
• രാജീവ് ചന്ദ്രശേഖര്‍
• ശോഭാ കരന്തലജെ
• ഭാനുപ്രതാപ് സിങ് വര്‍മ
• ദര്‍ശന വിക്രം ജര്‍ദോഷ്
• മീനാക്ഷി ലേഖി
• അന്നപൂര്‍ണ ദേവി
• എ നാരായണ സ്വാമി
• കൗശല്‍ കിഷോര്‍
• അജയ് ഭട്ട്
• ബിഎല്‍ വര്‍മ
• അജയ് കുമാര്‍
• ചൗബന്‍ ദേവുവിങ്
• ഭഗവന്ത് ഖുബ
• കപില്‍ പാട്ടീല്‍
• പ്രതിമ ഭൗമിക്
• സുഭാഷ് സര്‍ക്കാര്‍
• ഡോ. ഭഗവത് കിഷന്റാവു കാരാട്
• ഡോ. രാജ്കുമാര്‍ രഞ്ജന്‍ സിങ്
• ഡോ. ഭാരതി പ്രവിണ്‍ പവാര്‍
• ബിശ്വേശ്വര്‍ ടുഡു
• ശന്തനു ഠാക്കൂര്‍
• ഡോ. എം മഹേന്ദ്രഭായി
• ജോണ്‍ ബരിയ
• ഡോ. എല്‍ മുരുകന്‍
• നിശിത് പ്രാമാണിക്‌