ഇന്ത്യയില്‍ അന്ന് ഏറ്റവും വലിയ പണക്കാരനായ കെ. കെ ബിര്‍ളക്കെതിരെ കേസിന് പോയി അദ്ദേഹത്തെ കോടതികയറ്റിയ ധീരനായ പത്രപ്രവര്‍ത്തകനായിരുന്നു രാമചന്ദ്രന്‍. ബിര്‍ള എന്ന മനുഷ്യനെതിരെ ഇന്ത്യയിലെ ഒരേയൊരു പൗരന്‍ മാത്രമാണ് കേസുകൊടുത്തിട്ടുള്ളത്.
സി. പി രാമചന്ദ്രന്‍, ഡല്‍ഹി എന്ന മേല്‍ വിലാസത്തില്‍ ഒരു പോസ്റ്റ് കാര്‍ഡ് ഇട്ടാല്‍ അത് ഹിന്ദുസ്ഥാന്‍ ടൈംസിന്റെ പാര്‍ലമെന്റ് റിപ്പോര്‍ട്ടര്‍ക്ക് ലഭിക്കുന്ന ഒരു കാലമുണ്ടായിരുന്നു. എന്നാല്‍ ഡല്‍ഹിയിലെ ഒരു ചായക്കടയില്‍ അനാഥനായി മരിച്ചുകിടക്കേണ്ടിവന്ന ചലപതിറാവുവിന്റെ ഓര്‍മ്മയാണ് പാലക്കാട്ടെ പറളിയിലേക്ക് മടങ്ങാന്‍ സിപിആറിനെ പ്രേരിപ്പിച്ചതെന്നാണ് കെ. എ ജോണി 1997ല്‍ ഏപ്രില്‍ 16ലെ മാതൃഭൂമി ദിനപത്രത്തില്‍ എഴുതിയത്.
ഒറ്റപ്പാലത്ത് ചിറ്റേനിപ്പാട്ട് കൃഷ്ണന്‍ നായരുടേയും സി.പി ജാനകിയമ്മയുടേയും മകനായി അങ്ങ് ബര്‍മ്മയിലാണ് ജനനം. പിതാവിന് ഇന്നത്തെ മ്യാന്‍മര്‍ എന്നറിയപ്പെടുന്ന ബര്‍മ്മയിലെ ഒരു സ്‌ക്കൂള്‍ അധ്യാപകജോലിയായിരുന്നു. ആ സ്‌ക്കൂളിലാണ് ആദ്യം രാമചന്ദ്രന്‍ പഠിപ്പുതുടങ്ങിയത്. പിന്നിട് ഒറ്റപ്പാലത്തും പാലക്കാട് വിക്ടോറിയാക്കോളേജിലുമായി വിദ്യാഭ്യാസം പൂര്‍ത്തിയാക്കി. ഇതിനിടയിലെപ്പോഴൊ കമ്മ്യൂണിസവും വിപ്ലവചിന്തകളുമൊക്കെ തലയ്ക്കുപിടിച്ചു. അതിനായി സിപിആര്‍ ഓടിനടന്നു. ഒറ്റപ്പാലം റെയില്‍വേസ്റ്റേഷനു തൊട്ടുപിന്നില്‍ അല്പം ഇടത്തോട്ടുമാറി സ്ഥിതിചെയ്യുന്ന ഇരുനില കെട്ടിടമാണ് രാമചന്ദ്രന്റെ ഭവനം. അതാണ് രാമചന്ദ്രനെ സിപിആര്‍ ആക്കിയ ചിറ്റേനിപ്പാട്ട് പുതിയ വീട്.
'ഇതേത് കമ്മ്യൂണിസ്റ്റുകാരനാ?' എന്ന് അവര്‍ പുഞ്ചിരിയോടെ ചോദിച്ചപ്പോള്‍' 'എന്റെ പേര് പവനന്‍' എന്ന് തൊഴുതുകൊണ്ടുപറഞ്ഞു.
'നിങ്ങളും ഒരു കമ്മ്യൂണിസ്റ്റുകാരനല്ലേ?' 'അതേ' എന്ന് ഞാന്‍ ചിരിച്ചുകൊണ്ട് പറഞ്ഞു.
എന്നാല്‍ വിപ്ലവപാര്‍ട്ടി പ്രസംഗത്തിലും പൊതുയോഗങ്ങളിലുമായി ഒതുങ്ങിപ്പോകുന്നത് യുവാവായ സിപിആറിന് സഹിക്കാന്‍ കഴിഞ്ഞില്ല. തല്‍ക്കാലം നാട്ടിലെ പ്രവര്‍ത്തനങ്ങള്‍ അവസാനിപ്പിച്ച് റോയല്‍ ഇന്ത്യന്‍ നേവിയില്‍ മിഡ് ഷിപ്പ്മാനായി ജോലിയില്‍ പ്രവേശിച്ചു. 1942-46 കാലത്ത് ബോംബെയിലായിരുന്നു. നാവീക പരിശീലനത്തിനിടയിലും ദേശസ്‌നേഹം തലപൊക്കി. കടലിലെ തിരകളേക്കാള്‍ ശക്തിയില്‍ വിപ്ലവചിന്തകള്‍ മനസ്സില്‍ അലയടിക്കാന്‍ തുടങ്ങി. റോയല്‍ നേവിയിലെ ബ്രിട്ടീഷ് ചാര•ാര്‍ രാമചന്ദ്രനെ വട്ടമിടാന്‍ തുടങ്ങി. 46ല്‍ നേവി മുഴുവന്‍ ബ്രിട്ടീഷുകാര്‍ക്കെതിരായപ്പോള്‍ ഇന്റലിജന്‍സിന്റെ നോട്ടപ്പുള്ളിയായി കഥാനായകന്‍. അതോടെ റോയല്‍ ഇന്ത്യന്‍ നേവിയോട് വിടപറഞ്ഞു. തുടര്‍ന്ന് രണ്ട് വര്‍ഷം അഹമ്മദ്‌നഗറിലെ ആര്‍മിയില്‍ പ്രവര്‍ത്തിച്ചു.
കമ്യൂണിസ്റ്റ് പാര്‍ട്ടിയുടെ നയത്തിനൊത്തവണ്ണം ന്യൂസ് ബുള്ളറ്റിന്‍ തയ്യാറാക്കേണ്ട ജോലിയാണ് രാമചന്ദ്രനെ ഏര്‍പ്പിച്ചത്. എകെജിയാണെങ്കില്‍ വായില്‍ തോന്നുന്നതൊക്കെ ഒരു മടിയും കൂടാതെ വിളിച്ചുപറയും. അത് പാര്‍ട്ടി നയത്തിനനുസൃതമാക്കി ന്യൂസ് ബുള്ളറ്റിന്‍ തയ്യാറാക്കണം. അന്നത്തെ ഒട്ടുമിക്ക നേതാക്കന്മാരുമായി സിപിആര്‍ അടുത്തിടപഴകുകയും ഉറ്റ ബന്ധം സ്ഥാപിക്കുകയും ചെയ്തു. സംഭവബഹുലമായ തെരഞ്ഞെടുപ്പു കഴിഞ്ഞു. എകെജി ജയിച്ച് ലോക്‌സഭാംഗവും പ്രതിപക്ഷ നേതാവുമായി.
പിന്നീട് കമ്മ്യൂണിസ്റ്റ് പാര്‍ട്ടി പ്രവര്‍ത്തനവും കര്‍ഷകത്തൊഴിലാളികളെ സംഘടിപ്പിക്കലും മറ്റുമായി കഴിഞ്ഞു. അതിനിടയില്‍ പാര്‍ട്ടി ആഫീസിലെത്തുന്ന പത്രമാസികകള്‍ മുഴുവന്‍ പല ആവൃത്തി വായിച്ചുകൂട്ടി. ഒരുനാള്‍ എകെജി, രാമചന്ദ്രനെ കണ്ടപ്പോള്‍ എന്താ വിശേഷിച്ച് പരിപാടി എന്നാരാഞ്ഞു. കാര്യമായ പരിപാടികളൊന്നുമില്ലെന്നറിഞ്ഞപ്പോള്‍ ദേശാഭിമാനിയിലേക്ക് കൂട്ടിക്കൊണ്ടുപോയി. അവിടെ പത്രപ്രവര്‍ത്തനം തുടങ്ങി. ഇംഗ്ലീഷും മലയാളവും ഒരുപോലെ കൈകാര്യം ചെയ്യുന്ന രാമചന്ദ്രന്റെ കഴിവുകള്‍ കണ്ടറിഞ്ഞ ഇഎംഎസ് രാമചന്ദ്രനൊരു കത്തെഴുതി. ഉടന്‍ ഡെല്‍ഹിയിലേക്ക് ചെല്ലാനായിരുന്നു നിര്‍ദ്ദേശം.
'താനാണോ ശങ്കേഴ്‌സ് വീക്കിലിയിലെ അഗസ്ത്യ..?'
കൂസലില്ലാതെ അത് താന്‍തന്നെയാമെണന്ന് രാമചന്ദ്രന്‍ പറഞ്ഞു.
കമ്മ്യൂണിസ്റ്റ് പാര്‍ട്ടിയുടെ ആശയങ്ങളോട് പൊരുത്തപ്പെട്ടുപോകാന്‍ അദ്ദേഹം ഏറെ പാടുപെടുന്ന കാലമായിരുന്നു അത്. അതുകൊണ്ടുതന്നെ സിപിആര്‍ ധൈര്യമായി പറഞ്ഞു: പുറത്തുപോകാന്‍ റെഡിയാണെന്ന്..! ജനങ്ങള്‍ക്കുവേണ്ടി പടുത്തുയര്‍ത്തിയ പാര്‍ട്ടി ജനവിരുദ്ധമായി തീരുന്നുവെന്ന് മനോവേദനയോടെ അദ്ദേഹം മനസിലാക്കിത്തുടങ്ങിയിരുന്നു. പാര്‍ട്ടിക്കുവേണ്ടി ജനം മാറണമെന്നായാല്‍ അതെങ്ങനെ ശരിയാകുമെന്ന ചിന്ത അദ്ദേഹത്തെ അലട്ടാന്‍ തുടങ്ങിയിരുന്നു. അങ്ങനെ 1955ല്‍ രാമചന്ദ്രനെ പത്രത്തില്‍ നിന്നു പുറത്താക്കി.
അതേക്കുറിച്ച് സിപിആര്‍ തന്നെ പറഞ്ഞ വാക്കുകള്‍ കലാകൗമുദിയില്‍ ഒരിക്കല്‍ പത്മനാഭന്‍ നമ്പൂതിരി എഴുതിയ 'മനസ്സില്‍ തീയുമായി ഒരാല്‍' എന്ന അഭിമുഖത്തില്‍ പറയുന്നതിങ്ങനെ:
ജവഹര്‍ലാല്‍ നെഹ്രു ഉള്‍പ്പെടെയുള്ള രാഷ്ട്രീയ സാമൂഹ്യ രംഗത്തെ പ്രഗത്ഭര്‍ സിപിആറിന്റെ എഴുത്തില്‍ ആകൃഷ്ടരായവരാണ്. 'നര്‍മ്മം വിതറുന്ന ഗൗരവമുള്ള കാര്യങ്ങള്‍' എന്നാണ് നെഹ്‌റു ആ എഴുത്തിനെ വിശേഷിപ്പിച്ചത്. ഇന്ദിരാഗാന്ധിയും അവ നന്നായി ആസ്വദിക്കുകയും ശങ്കേഴിസ് വീക്കിലിയുടെ ഓഫീസിലെത്തി രാമചന്ദ്രനെ നേരിട്ട് അഭിനന്ദിക്കുകയും ചെയ്തിരുന്നു. അക്കാലത്തെ ഒട്ടുമിക്ക ലോകനേതാക്കളേയും അവരുടെ ചെയ്തികളേയും ഉള്ളിലിരിപ്പുകളേയും ആക്ഷേപഹാസ്യത്തിലൂടെ തുറന്നുകാട്ടുന്നതില്‍ വിരുതനായിുന്നു സിപിആര്‍. സ്റ്റാലിനും ക്രൂഷ്‌ചേവും മാവോയും കെന്നഡിയും നിക്‌സണും കിസിംഗറുമൊക്കെ ശങ്കേഴ്‌സ് വീക്കിലിയുടെ താളുകളില്‍ തപ്പിത്തടഞ്ഞുകിതക്കുന്ന കാഴ്ച ഏറെ രസകരമായിരുന്നു. മൊറാര്‍ജി ദേശായിയും കാമരാജും ചരണ്‍സിങ്ങും ചന്ദ്രശേഖറും ഇഎംഎസ്സം എകെജിയും ഫാറൂഖ് അബ്ദുള്ളമൊക്കെ പ്രസ്താവനയിറക്കിയാല്‍ പിറ്റേയാഴ്ച സിപിആര്‍ ശങ്കേഴ്‌സ് വീക്കിലിയില്‍ എന്താണെഴുതിയിരിക്കുന്നതെന്നറിയാന്‍ ആകാംക്ഷയൊടെ കാത്തിരിക്കുമായിരുന്നു.
ഇക്കാലത്തായിരുന്നു രാമചന്ദ്രന്റെ വിവാഹം നടക്കുന്നത്. അക്കഥ അടുത്ത ലക്കത്തില്‍.
ഇനിയാർക്ക് വേണം ലേണിംഗ് ആപ്പ്? ഇനി പഠിക്കാം ഈസിയായി! ഔട്ട്‍ക്ളാസിൽ!
